ટ્રેનીંગના એક ભાગ તરીકે વડોદરા અને આજુબાજુના વિસ્તારોમાં (ડાયાબીટીસ, ગર્ભાશયકેન્સર નિદાન, બ્લડ ગ્રુપ તેમજ અન્ય રોગોના) ફ્રિ-.ચેક અપ આયોજન દ્રારા સમાજના આર્થિક રીતે નબળા લોકોને મદદ તેમજ રોગ વિશે અજ્ઞાન ધરાવતા લોકોને જ્ઞાન આપવાનો આ પ્રયાસ થઇ રહ્યો છે.

જીવનના પાછલા વર્ષોમાં જયારે આવકનો સ્ત્રોત બંધ થઇ જાય છે ત્યારે ખાસ કરીને ગામડાના લોકો સમય અને પૈસાના અભાવે ઘણા રોગોથી પીડાતા હોય એ સમાજની વિટંબણા છે. આવા લોકોને ઉપયોગી થવાના આશયે દર મહીને જુદી જુદી જગ્યાએ ગામડાઓમાં અન્ય સમાજ સેવા કરતી સંસ્થાના સહયોગ વડે ફ્રી કેમ્પ દ્રારા દર મહીને ૧૦૦-૨૦૦ દર્દીઓ તપાસતા વર્ષેના અંતે ૧૫૦૦ થી ૨૦૦૦ જેટલા દર્દીઓ વિના મુલ્યે તપાસવામાં આવે છે. આવા દર્દીઓને રોગના નિદાન સાથે રોગ વિષે જાણકારી આપવામાં આવે છે. આર્થિક રીતે નબળા અને રોગ વિશે અજાણ લોકોને આ રીતે મદદરૂપ થવાનો આ પ્રયાસ થઇ રહ્યો છે.

આવનારા ભવિષ્યમાં ગામડાઓમાં જઈ મોબાઈલ વેન લેબોરેટરી ઘ્વારા ડાયાબિટીસ અને બ્લડ પ્રેશર જેવા રોગોની તપાસ દર્દીના ઘર આંગણે થાય એ દિશામાં અમો કાર્યરત છીએ.

અમે સૌ અમારી પાસે આવેલા દર્દીઓને સાચો ન્યાય આપવા હંમેશા જ્ઞાન અને તકનીકી ટ્રેનીંગ વડે નવું શીખવાના અભિગમ ધ્વારા લાયક બનીએ એજ અભ્યર્થના..

પ્રોપરાઇટર, દિયા લેબોરેટરી, માંજલપુર, વડોદરા.